چند سال قبل چوری شدہ موٹر سائیکل کا ای چالان اصل مالک کے گھر پہنچ گیا
کراچی: جدید فیس لیس ای چالان چند سال قبل چوری شدہ موٹر سائیکل کے اصل مالک کے گھر بھیج دیا گیا۔ شہری کے گھر چالان پہنچنے پر وہ حیرت زدہ ہوگیا، ای چالان نے اے وی ایل سی اور شہر میں پولیس کے ناکوں کی کارکردگی پر بھی سوال اٹھا دیے ہیں کہ چوری کی موٹر سائیکل شہر میں گھوم رہی ہے لیکن اسے پکڑنے والا کوئی نہیں۔
ای چالان کا حیرت انگیز انکشاف
تفصیلات کے مطابق گزشتہ روز کراچی کے ایک شہری نے انکشاف کیا کہ چند سال قبل میری موٹر سائیکل گھر کے باہر سے چوری ہوگئی تھی جس کا مقدمہ ٹیپو سلطان تھانے میں درج کرایا تھا۔ شہری نے تعجب کا اظہار کرتے ہوئے کہا کہ میری چوری کی جانے والی موٹر سائیکل کا ای چالان 27 اکتوبر کو 5 ہزار روپے کا موصول ہوا۔
چوری کی موٹر سائیکل اور پولیس کی کارکردگی
ای چالان کے مطابق موٹر سائیکل سوار نے ہیلمٹ بھی نہیں پہنا ہوا تھا۔ شہری کا کہنا تھا کہ موٹر سائیکل چوری ہوئی تھی، متعلقہ حکام میری موٹر سائیکل برآمد تو نہیں کرا سکے، تاہم اس کی خلاف ورزی کا چالان مجھے ضرور بھیج دیا گیا۔
پولیس حکام سے مطالبہ
شہری نے پولیس حکام سے مطالبہ کیا ہے کہ میری موٹر سائیکل پر جس شخص کی بغیر ہیلمٹ کے تصویر حاصل کی گئی ہے، اس کا سراغ لگا کر میری موٹر سائیکل برآمد کرائی جائے۔
یہ واقعہ شہریوں کے لیے ایک سبق بھی ہے کہ اگرچہ چوری کی موٹر سائیکل کا ای چالان موصول ہوا تو اصل مالک کو پریشانی کا سامنا کرنا پڑا۔ یہ صورتحال پولیس کی مؤثر کارکردگی پر سوالیہ نشان بھی ہے، جسے فوری طور پر حل کرنے کی ضرورت ہے۔
